İtaliya – Avropanın ən məşhur və sevilən turizm istiqamətlərindən biridir. Bu ölkə zəngin tarixi, incə memarlığı, mətbəxi və romantik atmosferi ilə fərqlənir. Paytaxtı Roma olan İtaliya, minilliklərə dayanan irsi ilə turistləri cəlb edir.
Roma – qədim imperiyanın ürəyidir. Kolizey, Forum Romanum, Pantheon, Trevi çeşməsi və Vatikan şəhəri ilə bu şəhər tarix sevərlərin cənnətidir. Hər bir küçəsi, meydanı və kilsəsi canlı muzey kimi görünür.
Venesiya – kanalları və gondolları ilə dünyada yeganə şəhərdir. Bu unikal şəhərdə romantik qayıq turları, San Marco meydanı və qədim körpülər sizi gözləyir. Venesiya həm də məşhur maskalı karnavalı ilə tanınır.
Florensiya – İntibah dövrünün beşiyidir. Leonardo da Vinci və Mikelancelo kimi dahilər burada yaradıb. Uffizi Qalereyası, Duomo kilsəsi və Ponte Vecchio körpüsü Florensiyanı sənət və mədəniyyət sevərlərin ən sevdiyi məkana çevirir.
Milan – İtaliyanın moda və biznes paytaxtıdır. Lüks butiklər, La Scala operası, Duomo di Milano və müasir memarlıq buranı unikal bir istiqamətə çevirir.
Napoli – İtaliyanın cənub incilərindəndir. Pompey şəhərinin qalıqları, Vezuv yanardağı və Amalfi sahilləri ilə Napoli həm tarix, həm də dəniz sevərləri üçün əla seçimdir.
İtaliya yalnız şəhərlərlə deyil, həm də kənd yerləri ilə tanınır. Toscana bağları, Sicilya və Sardiniya adalarının sahilləri, dağ kurortları və üzüm bağları hər növ səyahətçi üçün maraqlı imkanlar yaradır.
Rəsmi valyuta Avro (EUR)-dur. Ölkə həm mədəni, həm də gastronomik baxımdan zəngindir. Pizza, pasta, espresso və gelato İtaliyada tam fərqli dadılır.
İstər bal ayı, istər ailəvi istirahət, istərsə də incəsənət və moda turu üçün İtaliya ideal seçimdir.
Sizin istənilən səfərinizi peşəkar şəkildə təşkil etmək üçün Greenera Travel hər zaman yanınızdadır.